بدئت الحكايه من اكثر من سنه ويمكن واقعيا اكتر من 4 سنين .شباب بيحلم
بالتغيير. في كواليس 25 يناير 2011 كان في مجهود ونضال وخبرات مجموعات كتييير
وصلتنا لليوم دا .بس اليوم نفسه كان اغرب من الخيال مختلف في كل حاجه طريقة الدعوه
ونوع المستجيب ليها وطرق نشرها المقترحه .كان الاختلاف عنوانها الرئيسي والفرعي
وكل تفاصيلها حتي .
مختلف انك تلاقي ناس بتقولك وانت نازل تتظاهر خلي مجموعات منك تكلم الناس وانتوا في مسيرتكم عن هدف نزولكم وفايدته للشعب ومطالبكم !
مختلف اننا ننظم مظاهره ضد النظام تحت سمع وبصر كل اجهزه النظام اللي ممكن جدا ومن غير اي مجهود يذكر تجهض الموضوع في مهده ببساطه.
مختلف انك تلاقي قوي كنا بنحسبها علي التغيير بتقولك بصوت عالي الدعوه مجهوله ومنعرفش مصدرها ومطالبنا محدده ومش هننزل معاهم !
وتطورت الاحداث من يوم 25 يناير 2011 ل 11 فبراير 2011
البدايه كانت مطالب الاجور واعانات البطاله وتعديلات دستوريه وتطورت ودي حاجه مش طبيعيه في حد ذاتها لاسقاط النظام.
يمكن مردود علي النقطه دي ان عند النظام بيعلي سقف المطالب وكلام كتيير من دا بس بردوا تطور الاحداث مش طبيعي J
وانتهت الايام 18 بفرحه عارمه وتاييد شعبي للثوره وجو افلاطوني جميل اتصدمنا بعده في معارك كتيير.
كانت المشكله الحقيقه طول الوقت ويمكن لحد انهارده هي قلة الوعي.
الاحداث السياسيه مش معادله بسيطه فعل = رد فعل وبس .الاحداث معقده لدرجه انك لازم تحاول تربط حاجات يمكن ملهاش علاقه مباشره مع بعض يمكن تفهم #عمرو مصطفي استايل J
ومازال التخبط مستمر بس الحمد لله الوعي بيزيد بالتدريج .
انا عاوز اققول ان ثورتنا مستمره فعلا بس لازم نغير الطرق والوسائل .والتاييد الشعبي مقلش ولا حاجه بس انت عاوز الشعب ياييدك في ايه بالظبط .
عاوز تاييد انك تنزل تموت فطيس قدام وزاره داخليه مسلحه وانت اعزل !
عاوز تاييد انك تواجه العسكر بكل مؤسساته بمجرد هتاف في نفس الوقت اللي بيقولك ع فكره انا همشي في شهر 6 في كل حته بيقول وانت حجتك الوحيد ان دي مش تصرفات حد هيمشي ؟!!
الثوره مستمره وهتحقق اهدافها لما نشيل مسئوليه البلد دي فعلا ونشتغل علي نفسنا قبل مجتمعنا .
الثوره مش مجرد هتافات ومسيرات واعتصامات واضراب دي مظاهر التعبيير عن الغضب ووسيله احتجاجيه بس اكيد مش كل الوسائل دي .
اعتقد اللي هيوضح الفرق بين الثائر اللي عاوز تغيير والثائر اللي عاوز (يحتج - صوته عالي – حافظ هتافات) هو الوقت وطول النفس .
طول الوقت لازم يكون الهدف قدامك واسئل نفسك سؤال واحد.
مختلف انك تلاقي ناس بتقولك وانت نازل تتظاهر خلي مجموعات منك تكلم الناس وانتوا في مسيرتكم عن هدف نزولكم وفايدته للشعب ومطالبكم !
مختلف اننا ننظم مظاهره ضد النظام تحت سمع وبصر كل اجهزه النظام اللي ممكن جدا ومن غير اي مجهود يذكر تجهض الموضوع في مهده ببساطه.
مختلف انك تلاقي قوي كنا بنحسبها علي التغيير بتقولك بصوت عالي الدعوه مجهوله ومنعرفش مصدرها ومطالبنا محدده ومش هننزل معاهم !
وتطورت الاحداث من يوم 25 يناير 2011 ل 11 فبراير 2011
البدايه كانت مطالب الاجور واعانات البطاله وتعديلات دستوريه وتطورت ودي حاجه مش طبيعيه في حد ذاتها لاسقاط النظام.
يمكن مردود علي النقطه دي ان عند النظام بيعلي سقف المطالب وكلام كتيير من دا بس بردوا تطور الاحداث مش طبيعي J
وانتهت الايام 18 بفرحه عارمه وتاييد شعبي للثوره وجو افلاطوني جميل اتصدمنا بعده في معارك كتيير.
كانت المشكله الحقيقه طول الوقت ويمكن لحد انهارده هي قلة الوعي.
الاحداث السياسيه مش معادله بسيطه فعل = رد فعل وبس .الاحداث معقده لدرجه انك لازم تحاول تربط حاجات يمكن ملهاش علاقه مباشره مع بعض يمكن تفهم #عمرو مصطفي استايل J
ومازال التخبط مستمر بس الحمد لله الوعي بيزيد بالتدريج .
انا عاوز اققول ان ثورتنا مستمره فعلا بس لازم نغير الطرق والوسائل .والتاييد الشعبي مقلش ولا حاجه بس انت عاوز الشعب ياييدك في ايه بالظبط .
عاوز تاييد انك تنزل تموت فطيس قدام وزاره داخليه مسلحه وانت اعزل !
عاوز تاييد انك تواجه العسكر بكل مؤسساته بمجرد هتاف في نفس الوقت اللي بيقولك ع فكره انا همشي في شهر 6 في كل حته بيقول وانت حجتك الوحيد ان دي مش تصرفات حد هيمشي ؟!!
الثوره مستمره وهتحقق اهدافها لما نشيل مسئوليه البلد دي فعلا ونشتغل علي نفسنا قبل مجتمعنا .
الثوره مش مجرد هتافات ومسيرات واعتصامات واضراب دي مظاهر التعبيير عن الغضب ووسيله احتجاجيه بس اكيد مش كل الوسائل دي .
اعتقد اللي هيوضح الفرق بين الثائر اللي عاوز تغيير والثائر اللي عاوز (يحتج - صوته عالي – حافظ هتافات) هو الوقت وطول النفس .
طول الوقت لازم يكون الهدف قدامك واسئل نفسك سؤال واحد.
من نحن ..؟ وماذا نريد ..؟
دُمتم بخير
ليست هناك تعليقات:
إرسال تعليق